safar mein dhup to hogi jo chal sako to chalo
sabhi hain bheed mein tum bhi nikal sako to chalo
idhar udhar kayi manzil hain chal sako to chalo
bane banaaye hain saanche jo dhal sako to chalo
kisi ke vaasate raahein kahan badalati hain
tum apane aap ko khud hi badal sako to chalo
yahaan kisi ko koi raastaa nahin detaa
mujhe gira ke agar tum sambhal sako to chalo
yahi hai zindagi kuch Khwaab chand ummeedein
inhi khilauno se tum bhi bahal sako to chalo
har ek safar ko hai mahafus raasto ki talaash
hifaazato ki rivaayat badal sako to chalo
Khud apane aap se baahar nikal sako to chalo
1 comment:
nazmein to achi hai,
Post a Comment